*स्वातंत्र्यसैनिक गोविंदभाई श्रॉफ*
********************************
गोविंदभाई श्रॉफ यांचा
जन्मदिन २४ जुलै १९११ आहे . तर
२१ नोव्हेंबर २००२ हा स्मृतीदिन आहे .
गोविंदभाई श्रॉफ हे हैदराबाद मुक्तीसंग्राम लढ्यातील स्वातंत्र्यसैनिक. निजामाच्या तावडीतून हैदराबाद संस्थांन मुक्त व्हावं म्हणून गोविंदभाई श्रॉफ यांनी स्वामी रामानंद तीर्थ यांच्या सोबत काम केलं. त्यानंतर मराठवाडा विनाअट महाराष्ट्रात सामील झाला.
मराठवाड्याच्या विकासाचा प्रश्न गोविंदभाईंनी लावून धरला. सरस्वती भूवन या आता शंभर पार केलेल्या शिक्षण संस्थेची स्थापना केली. कधीकाळी या संस्थेच्या ऑफीसातूनच मराठवाड्याच्या विकासाची, आंदोलनाची दिशा ठरवली जायची.
स्वातंत्र्यानंतर मराठवाड्यातले, मराठवाड्याशी संबंधित सगळे राजकारणी, समाजकारणी वेगवेगळ्या प्रश्नांवर गोविंदभाईंचा सल्ला घ्यायला यायचे. मराठवाडा जनता विकास परिषदेच्या माध्यमातून त्यांनी मराठवाड्याच्या अनुशेषाचा मुद्दा लावून धरला. वेळप्रसंगी रस्त्यावर उतरले.
मराठवाडा विद्यापीठाच्या नामांतर आंदोलनाला त्यांनी केलेला विरोध वादग्रस्त ठरला. स्वामी रामानंद तीर्थ मराठवाडा संशोधन संस्थेतर्फे गोविंदभाई श्रॉफ स्मृती पुरस्कार दिला जातो.
ليست هناك تعليقات:
إرسال تعليق